Portýgaliia eliniń fýtbolshysy Karlos Fonseka Qostanaidyń «Tobylyna» aýysty, dep habarlaidy "Ult aqparat".
«Tobyldyń» resmi saity jańa oiynshylar týraly aqparatty jariialady. Karlos Fonseka – Portýgaliianyń «Santa-Mariia» fýtbol mektebiniń túlegi, ol munda eki jyl dop tepti. Buǵan qosa Karlos «Tirsense» jáne «Feirensi» komandalarynda oinady.
«2013 jyly Fonseka «Chernomorets» (Býrgas) ujymyna qosyldy. Keiin Sofiianyń «Slaviiasyna» aýysty. Qazaqstanda portýgaldyq oiynshy «Ertis» quramynda óner kórsetip keldi. Fonseka 2015 jyly pavlodarlyqtardyń fýtbolshysy atandy. Sońǵy jyldary ol «Ertistiń» kapitany boldy. Havbek Qazaqstan chempionatynda 150 match ótkizip, 23 gol soqty jáne 15 golǵa múmkindik jasady», delingen klýbtyń resmi saityndaǵy aqparatta.
Qostanailyqtar sapyna Qazaqstan quramasynyń qorǵaýshysy Sergei Malyi da qosyldy. Qorǵaýshymen kelisimshart 2020 jyldyń sońyna deiin jasaldy.
