Shyǵys Qazaqstan oblysynda Qazaqstan politsiiasy kúnine orai jaýyngerlik qarýdan oq atý boiynsha týrnir ótkizildi, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, oblystyń qalalary men aýdandarynan kelgen politseilerdiń qatysýymen ótken sharada karantindik shekterleý qatań saqtaldy.
«Jarysqa 9 komanda qatysty, atap aitqanda politsiia departamentiniń apparaty, Óskemen qalalyq PB, Ertis, Úlbi, Sol jaǵalaý politsiia bólimderi, PD patrýldik politsiia batalony, Óskemen qalalyq PB patrýldik politsiia batalony, sondai-aq Ulan jáne Glýbokoe aýdandyq politsiia bólimderi. Saqshylar jattyǵýdyń 3 túri boiynsha jarysqa túsken», - dedi Arnaiy jáne jumyldyrý daiyndyǵy basqarmasynyń bastyǵy Merhat Diýsýpov.
Týrnirdi ótkizý qorytyndysy boiynsha birinshi oryndy ShQO PD apparatynyń komandasy, ekinshi oryndy Óskemen qalalyq PB apparaty, úshinshi oryndy oblystyq PD BPP ielendi. Jeńimpazdar jeke jáne komandalyq esepte medaldarmen, gramotalarmen jáne baǵaly syilyqtarmen marapattaldy.
