Foto: Pexels.com
Qaraǵandy oblysynyń kámeletke tolmaǵandardyń isteri jónindegi mamandandyrylǵan aýdanaralyq soty politsiia basqarmasynyń kámeletke tolmaǵandy arnaýly bilim berý uiymyna 1 jylǵa jiberý týraly aryzy boiynsha azamattyq isti qarady, dep habarlaidy Ult.kz.
Aryzda Qaraǵandy agrotehnikalyq kolledjiniń 16 jastaǵy 2-kýrs stýdentiniń sabaqqa barmaýy, ata-anasynyń ulyna tárbie bermeýi, oǵan kóńil bólmeýi jáne oqýyn qadaǵalamaýy týraly aitylǵan.
Sot anyqtaǵandai, stýdent:
- - 71 jastaǵy naýqas ájesine kútim jasaýyna bailanysty sabaqty shynymen bosatqanyn jáne bilim alǵysy keletinin rastady;
- - beiresmi tabysynyń bir bóligin ájesine berip, qalǵanyn úi qajettilikterine (otyn men kómir satyp alýǵa) jáne kiim-keshekke jumsaǵan;
- - esepte turmaǵan, qańǵybastyq, alkogoldik ishimdikterdi nemese esirtki zattaryn tutyný faktileri baiqalmaǵan, qoǵamdyq tártipti buzbaǵan, qylmystyq nemese ákimshilik jaýapkershilikke tartylmaǵan, politsiialyq esepte joǵyn rastady.
Sondai-aq balanyń ata-anasy tárbiesine kóńil bólmegen jáne oǵan qamqorlyq kórsetpegen, basqa qalada turyp jatyr.
Anaǵa “Kámeletke tolmaǵan balalaryn tárbieleý, oqytý jáne baǵyp-qaǵý boiynsha óz mindetterin oryndamaǵan ata-ana» sanaty boiynsha esepke alynyp, alkogoldik ishimdikterdi ishkeni jáne ata-anasynyń balany tárbieleý, oqytý jáne kútip-baǵý jónindegi mindetterin oryndamaǵany úshin ákimshilik jaýapkershilik qarastyryldy.
Stýdenttiń ákesi ata-ana retinde ulyna durys kóńil bólmegeni úshin kinásin moiyndap, basqarmanyń málimdemesimen kelispeitinin bildirdi.
"Prokýror aryzdan bas tartý týraly sheshim qabyldady. Osyny eskergen sot politsiia basqarmasynyń aryzyn qanaǵattandyrýdan bas tartty. Aldaǵy ýaqytta kámeletke tolmaǵandardyń quqyqtarynyń buzylýyna jol bermeý maqsatynda ýákiletti organdarǵa arnaiy uiǵarym shyǵaryldy. Sot áleýmettik jáne otbasyn damytý uiymdarymen birlesip kámeletke tolmaǵandy keshki mektepke qabyldaý sharalaryn qabyldady", - delingen habarlamada.
Sheshim zańdy kúshine endi.
