Foto: shutterstock
Astana politsiiasy qalyń qardyń jaýýyna bailanysty elorda júrgizýshileri men jaiaý júrginshilerin jolda saq bolýǵa shaqyrady, - dep habarlaidy Ult.kz Astana PD baspasóz qyzmetine silteme jasap."Júrgizýshilerden barynsha muqiiat bolýdy, belgilengen jyldamdyq rejimin qatań saqtaýdy, kólikti kenetten tejemeýdi, araqashyqtyq pen búiirlik intervaldy saqtaýdy, kólikti tek ruqsat etilgen oryndarǵa qoiýdy, sondai-aq jeke avtokólikti jol boiynda qaldyrmaýdy jáne patrýldik politsiia qyzmetkerleriniń talaptaryn oryndaýdy suraimyz", – delingen habarlamada.
Sondai-aq, politsiia azamattarǵa qolaisyz aýa raiy saldarynan qala syrtyndaǵy joldarda qozǵalystyń ýaqytsha shekteletinin eskertip, alys saparlardan bas tartýǵa keńes berdi.
"Múmkindiginshe qoǵamdyq kólikti paidalanyńyz", – dep keńes berdi vedomstvo.
Politsiia júrgizýshiler ǵana emes, jaiaý júrginshiler de erekshe saqtyq tanytýy kerek ekenin atap ótti.
"Óz qaýipsizdigińiz úshin kósheni belgilengen oryndarda kesip ótýge, jaryq shaǵylystyratyn elementterdi paidalanýǵa, joldan ótken kezde qulaqqapty sheship, telefonǵa qaramaýǵa keńes beremiz. Qurmetti jol qozǵalysyna qatysýshylar, ózińizdi jáne jaqyndaryńyzdy saqtańyz", – delingen habarlamada.
