Foto: ashyq derekkóz
Óskemende turǵyn úilerdiń biriniń aýlasynda bolǵan tótenshe oqiǵada politseige shabýyl jasaǵan eki er adam ustaldy, dep habarlaidy Ult.kz.
ShQO politsiia departamentiniń málimetinshe, mas kúide bolǵan kúdiktiler quqyq qorǵaý organynyń qyzmetkeriniń zańdy talaptaryna baǵynbai, qarsylyq kórsetken. Olar tártip saqshysynyń tabeldik qarýyn tartyp alyp, oq atqan.
Oqiǵa saldarynan politseidiń qoly jaralanyp, ol aýrýhanaǵa jetkizildi. Dárigerler onyń jaǵdaiyn turaqty dep baǵalap otyr. Kúdiktiler jedel túrde ustalyp, ýaqytsha ustaý izoliatoryna qamaldy.
Atalǵan derek boiynsha QR Qylmystyq kodeksiniń birneshe baby, onyń ishinde quqyq qorǵaý organy qyzmetkeriniń ómirine qaýip tóndirý jáne qarýdy zańsyz ielený faktileri boiynsha sotqa deiingi tergeý bastaldy.
