Foto: ashyq derekkóz
Basylym derekkóziniń aitýynsha, bul kezdesýde amerikalyq delegatsiia retteý protsesinde ilgerileý bolady dep úmittenedi.
Kelissózder aldyńǵy eki kezdesý sekildi Ábý-Dabide ótýi múmkin nemese AQSh-tyń Florida shtatyndaǵy Maiami qalasynda uiymdastyrylýy yqtimal, dep habarlady basylym suhbattasy. Buǵan deiin jańa kezdesýdiń AQSh-ta ótýi múmkin ekenin Ýkraina prezidenti Vladimir Zelenskii de aitqan bolatyn.
Máskeý jańa kelissózderdiń orny men ýaqytyn rastaǵan joq, al AQSh olardy resmi túrde jariialamady.
Aldyńǵy úshjaqty kelissózder 4–5 aqpanda Ábý-Dabide ótti. Sol kezde Kiev pen Máskeý «157-ge 157» formýlasy boiynsha áskeri tutqyndar almasýǵa kelisken edi. Kezdesý qorytyndysy boiynsha qatysýshylar ony konstrýktivti dep baǵalady, alaida naqty nátijeler jariialanǵan joq.
TASS agenttigi derekkózge silteme jasap, úsh el ókilderi "ekonomikalyq aspektilerdi, aýmaqtyq máseleni jáne atysty toqtatý mehanizmin" talqylaǵanyn habarlaǵan.
