Almatyda Pfizer vaktsinasyn saldyrǵan 11 áiel bosandy. Bul týraly Almaty qalasy qoǵamdyq densaýlyq basqarmasynyń basshysy Nariman Tabynbaev málimdedi, dep habarlaidy Sputnik Qazaqstan.
"Júkti áielderdiń koronavirýsqa qarsy vaktsina alýy – úlken jaýapkershilik. Bul Amerikada bastaldy, qaýipsizdigi dáleldengennen keiin Qazaqstanda da júkti áielderge vaktsina salyna bastady. Pfizer vaktsinasyn saldyrǵan áielden týǵan balada eshqandai týa bitken aýrý anyqtalmady. Áielden qan arqyly balasyna qandai da bir mólsherde antidene beriletini belgili boldy. Vaktsina anany ǵana emes, jańa týǵan sábidi de qorǵaityny dáleldendi", - deidi Tabynbaev.
Alaida balada anasy arqyly qalyptasqan antideneniń qansha ýaqytqa deiin kúshinde bolatyny belgisiz.
"Ol qashanǵa deiin jaraidy? Úsh ai, bes ai, bir jylǵa deiin be, ol áli tekserilip jatyr. Ǵylymi zertteý boiynsha kúshi 3-4 aiǵa deiin saqtalady degen boljam bar. Zertteýler jalǵasyp jatyr", - dedi ol.
Nariman Tabynbaev Almatyda vaktsina saldyrǵan áielderdiń bosanǵannan keiingi jaǵdaiy jaqsy ekenin aitty.
"Almaty boiynsha Pfizer vaktsinasyn saldyrǵan 11 áiel bosandy. Anasy vaktsina saldyrmaǵan áieldiń balasynan eshqandai aiyrmashylyq joq. Balalardan qandai da bir aýrý baiqalmady. Endi balada antidene mólsherin bilý úshin ata-anasynyń ruqsaty kerek", - dedi basqarma basshysy.
Tabynbaev júkti áielderdiń vaktsina saldyrýy ózi úshin de, bala úshin de qaýipsiz dep túiindedi.
