Elimizde Comirnaty (Pfizer) vaktsinasynyń birinshi komponentin 128 174 jasóspirim, 31 747 júkti jáne bala emizetin áiel alǵan. Úkimet otyrysynda QR Densaýlyq saqtaý ministri Aleksei Tsoi osyndai málimet berdi, dep habarlaidy QazAqparat.
«Halyqty koronavirýs infektsiiasyna qarsy vaktsinalaý jalǵasýda. Birinshi komponentti 8,8 millionnan astam adam qabyldady. Bul vaktsinalaýǵa jatatyn eresek halyqtyń 77,5%-yn qurady. Ekinshi komponentti 8,2 millionnan astam adam saldyrdy. Iaǵni, ekpege jatatyn eresek turǵyndardyń 72,5%-y qamtyldy. Qazaqstan halqynyń jalpy sanymen alsaq, birinshi komponentpen qamtý – 47,2%, ekinshi komponentpen qamtý – 43,3% boldy», - dedi vedomstvo basshysy.
Ministrdiń sózine qaraǵanda, Comirnaty (Pfizer) vaktsinasynyń birinshi komponentin búgingi tańda 128 174 jasóspirim jáne 31 747 júkti jáne bala emizetin áiel alǵan. Al ekinshi komponentti - 5 592 adam qabyldaǵan.
