Foto: ashyq derekkóz
Petropavldaǵy Qazaqstan Respýblikasy Ulttyq ulany akademiiasynda birinshi kýrs kýrsanttary tóbeles shyǵardy. Janjalǵa 41 adam qatysqan, dep habarlaidy Ult.kz.
Bul týraly aqparat jergilikti pablikterdiń birinde paida boldy. Janjaldasqandardyń arasynda osy oqý ornynda oqyp jatqan Tájikstan Respýblikasynyń azamattary da bar.
Bul faktini QR Ulttyq ulany akademiiasynyń baspasóz qyzmeti rastady.
"Petropavldaǵy Ulttyq ulan akademiiasynda bolǵan birinshi kýrs kýrsanttary arasyndaǵy qaqtyǵys faktisi boiynsha tekseris júrip jatyr. Oqiǵa nátijesinde birneshe kýrsant jeńil dene jaraqattaryn alǵan. Olarǵa tiisti meditsinalyq kómek sol jerde kórsetildi, aýrýhanaǵa jatqyzý qajettiligi bolmady. Qazirgi ýaqytta oqiǵanyń sebep-saldary anyqtalyp jatyr", – dep jaýap berdi baspasóz qyzmetinen.
