Foto: QR IIM
Petropavl qalasynda mektepke qarýly shabýyl jasalatyny týraly jalǵan aqparat taraǵannan keiin turǵyndar arasynda alańdaýshylyq týyndady. Alaida politsiia qyzmetkerleri kúdiktini jedel túrde anyqtap, ustady, dep habarlaidy Ult.kz.
Belgili bolǵandai, jasóspirim Telegram jelisinde arnaiy arna ashyp, oblystyq mamandandyrylǵan mektep-internatqa shabýyl jasalatyny jóninde habarlama jariialaǵan. Sonymen qatar, qaýiptiń aldyn alý syltaýymen aqsha aýdarýdy talap etken.
Habarlama jariialanǵannan keiin ol ony messendjer arqyly oqýshylarǵa da jibergen.
Politsiia málimetinshe, kámeletke tolmaǵan jasóspirim 2024 jylǵa deiin atalǵan bilim berý mekemesinde oqyǵan. Óz áreketin ol «ázildegim keldi» dep túsindirgen.
Qazirgi ýaqytta oqiǵaǵa qatysty tiisti tergeý amaldary júrgizilip jatyr.
