Petropavlda eki páterli turǵyn úiden órt shyǵyp, 54 jastaǵy áieldi kúiik shaldy, - dep habarlaidy "Ult aqparat".
Soltústik Qazaqstan oblysy tótenshe jaǵdailar departamenti baspasóz qyzmetiniń málimetinshe, oqys oqiǵa 9 shilde kúni bolǵan. 101 qyzmetine Petropavldaǵy 1-Liniia, 22 meken jaiyndaǵy eki páterli turǵyn úide órt shyqqandyǵy jóninde habarlama saǵat 14.22-de túsken.
Órt sóndirýshiler kelgende úidiń 8 sharshy metr bolatyn kireberis dálizi lapyldap janyp jatqan. Jalyn shamamen jarty saǵattyń ishinde sóndirildi. Dáliz tolyq janyp ketti. Aldyn ala boljam boiynsha, órt durys sóndirilmegen temeki tuqylynan shyǵýy múmkin.
Baspana jalǵa berilip kelgen eken. Jalǵa alýshy – 1967 jylǵy áiel kúiik aldy, sondai-aq iis tigen. Ol aýyr jaǵdaida aýrýhanaǵa jetkizildi.
