Petropavlda politseiler men volonterler kósheden tabylǵan shamamen 2 jasar balanyń týǵan-týystaryn izdestirip jatyr, dep habarlaidy "Ult aqparat".
Soltústik Qazaqstan oblysy politsiia departamenti baspasóz qyzmetiniń málimetinshe, saǵat keshki 20.00 shamasynda Petropavldaǵy Jumysshy kentiniń kóshesinde jalǵyz júrgen sábidi turǵyndardyń biri baiqap qalady.
Áke-sheshesi jaqyn mańnan kórinbegendikten ekilerdegi er balany patrýldi politsiia batalonynyń qyzmetkerlerine tapsyrady.
Iývenaldy politsiia qyzmetkerleri balany kiindirip, tamaqtandyrdy. Qazir sábi oblystyq balalar aýrýhanasynda.
Politseiler men volonterler onyń týǵan-týystaryn izdestirip jatyr.
«Balanyń týǵan-týystary jaiynda qandai da bir málimeti bar turǵyndardy 39-48-65 nómirine nemese «102-ge» habarlasýdy suraimyz. Kámelet jasyna tolmaǵan balanyń zańdy ókilderi Qazaqstan Respýblikasynyń zańdaryna sáikes balaǵa qamqorlyq jasaýdy, bilim, tárbie berýdi, onyń quqyqtary men múddelerin qorǵaýdy júzege asyrady. Óz mindetterine durys qaramaǵandar ákimshilik jaýapkershilikke tartylady, tipti ata-ana quqyǵynan da aiyrylýlary múmkin», - deidi Petropavl qalalyq iývenaldyq politsiia bóliminiń bastyǵy Elmira Abýsheva.
