Petropavlda kóshede jalǵyz júrgen 2 jasar sábidiń anasy tabyldy, - dep habarlaidy "Ult aqparat".
14 maýsym kúni Petropavldaǵy Jumysshy kentinde kóshede jalǵyz júrgen 2 jasar sábidi turǵyndar politsiiaǵa tapsyrǵan edi.
Soltústik Qazaqstan oblysy politsiia departamentiniń málimetinshe, balanyń anasy tabyldy. 24 jastaǵy kelinshek qalylyq politsiia bólimine jetkizilip, oqiǵanyń mán-jaiy anyqtaldy.
Áiel 20 yqsham aýdanda turatyn qurbysynyń úiinde bolǵan. Balasyn Jumysshy kentindegi tanystaryna qarai turýǵa qaldyryp ketken.
Iývenaldy politseiler anany ákimshilik jaýapqa tartý úshin material jinady.
«Kelinshekti profilaktikalyq esepke aldyq. Jinalǵan material kámeletke tolmaǵandar isi jáne olardyń quqyqtaryn qorǵaý boiynsha qurylǵan komissiianyń qaraýyna jiberiledi. Áiel ata-ana quqyǵynan aiyrylýy múmkin», - deidi qalalyq iývenaldyq politsiia bóliminiń bastyǵy Elmira Abýsheva.
Sábi qazirgi ýaqytta oblystyq balalar aýrýhanasyna ornalastyrylǵan.
