Soltústik Qazaqstan oblysynyń ákimi Qumar Aqsaqalov Petropavl qalasynyń ataýyn ózgertý týraly qaýesetke qatysty pikirin aitty, - dep habarlaidy Tengrinews.kz Petropavlovsk.news saityna silteme jasap.
Basylym málimetinshe, Aqsaqalov AstanaTV telearnasynyń "Iz pervyh ýst" baǵdarlamasynda qoiylǵan keibir suraqqa tikelei jaýap bergen joq. Petropavl qalasynyń ataýy ózgeredi degen suraqqa da ol naqty jaýap bere almady.
"Bul másele ázirshe kún tártibinde turǵan joq, bul kýlýarda talqylanyp júr. Men halyqtyń ustanymyn qoldanamyn. Kóshelerdiń atyn (ákim qala degisi kelgen bolar - Esk) bir adam ózgertpeidi, ony qoǵam sheshedi", - dep túsindirdi ákim.
2018 jyly Qumar Aqsaqalov Petropavl ataýyn ózgertý týraly basqasha pikir aitqan.
"Petropavl men oblystyń ataýyn ózgertý týraly áńgimelerdi jii estimin, keibireýler bul týraly aityp júr. Biraq búginde ataýdy ózgertý jumystary júrmeidi, meniń oiymsha, bul áli erte", - degen edi ol sol kezde.
Basylym málimetinshe, Soltústik Qazaqstan oblysy men Petropavldaǵy kóshelerdiń ataýlary áli kúnge deiin depýtattar men qoǵam qairatkerleriniń kezdesýinde ózgertilip jatyr. Kóbine bul sheshimder kóptegen turǵynnyń pikirine qaishy keledi eken.
