Foto: sauda.e-qazyna.kz
Perizat Qairattan tárkilengen qara tústi 2024 jylǵy Mercedes-Benz S450 kóligi saýdaǵa shyǵaryldy. Astananyń Memlekettik múlik jáne jekeshelendirý departamentiniń habarlaýynsha, avtokóliktiń baǵasy – 79 415 000 teńge, dep habarlaidy Ult.kz.
Lot sipattamasynda avtokólikpen birge Pandora dabyly bar kilt beriledi dep kórsetilgen. Alaida akkýmýliatory otyryp qalǵandyqtan, kóliktiń tehnikalyq jaǵdaiyn tekserý múmkin emes. Sonymen qatar, kólikke arest túrinde shekteý qoiylǵan jáne ol memlekettik organdardyń teńgerimine berýge jatpaidy. Saýda 2026 jylǵy 7 sáýirde ótedi.
Perizat Qairattan tárkilengen múlikterdiń qatarynda Vela Village kottedj qalashyǵyndaǵy jeke úi, Akbulak Riviera, Sensata Plaza, Highvill Ishim Gold, Kók Jailaý turǵyn úi keshenindegi páterler men avtoturaq oryndary; sondai-aq 2024 jylǵy Lexus LX 600, 2023 jylǵy Mercedes-Benz EQE 500 4matic, 2024 jylǵy Haval H6 GT avtokólikteri bar.
Sonymen birge Perizat Qairattan "Rebel Flowers" JShS-niń jarǵylyq kapitalyndaǵy 100% úlesi, 97 million teńgeden astam qarajat jáne 22 myń AQSh dollary tárkilendi.
Perizat Qairat – Qazaqstandaǵy belsendi eriktiler qozǵalysynyń jetekshisi, Biz Birgemiz Qazaqstan qaiyrymdylyq qorynyń tóraiymy. 2024 jyly 14 qarashada Qarjylyq monitoring agenttigi ony 1,5 milliard teńgeden astam qarajatty jymqyrdy degen kúdikke ilingenin habarlaǵan edi. Biyl 25 shildede Perizat Qairat 10 jylǵa bas bostandyǵynan aiyryldy, al anasy 7 jylǵa sottaldy.
