Pavlodar oblysynyń ákimi Ábilqaiyr Sqaqov óńirdiń ekologiiasyn turaqtandyrý týraly jospary týraly aitty, dep habarlaidy "Ult aqparat".
«Biz úshin asa mańyzdy máselelerdiń biri – qorshaǵan ortany qorǵaý. Biz kásiporyndarmen, ekologiialyq belsendilermen jáne profildi ministrlikpen birge birqatar baǵyt boiynsha keshendi jumys júrgizip otyrmyz. Osylaisha, aliýminii zaýytynda gibridti elektr filtrlerin iske qosý arqyl shań kólemi jylyna 2,4 myń tonnaǵa deiin tómendetildi. 10 jyldyq baǵdarlama taǵy 55 myń tonnaǵa qysqartýdy kózdeidi», - dedi ákim.
Aimaq basshysy atalǵan tájiribe ózge de óndiris oshaqtaryna engiziletinin aitty.
«Osyǵan uqsas tehnologiia Aqsý qalasynda «Eýroaziattyq energetikalyq korporatsiiasy» aktsionerlik qoǵamyna tiesili elektr stantsiiasynyń energiia bloktarynda da engizilip jatyr. Sondai-aq qazaqstandyq elektroliz zaýytynyń tsehtarynda jeńdik súzgiler aýystyrylýda. Kásiporyndardyń sanitarlyq-qorǵaý aimaqtarynda kógaldandyrýdyń úlesi ósip keledi. Biyl 28 myńnan astam tal otyrǵyzylady. Ekologiialyq monitoring salasynda avtomattandyrý jalǵasady», - dedi Ábilqaiyr Sqaqov.
