Foto: ashyq derekkóz
Pavlodarda politseiler jańa týǵan náresteni satý áreketiniń jolyn kesip, kúdiktini ustady, dep habarlaidy Ult.kz.
Tergeý málimetinshe, 23 jastaǵy Túrkistan oblysynyń týmasy júktiliginiń sońǵy kezeńinde áleýmettik jeliler arqyly bolashaq sábiin satyp alatyn adamdardy izdegen. Jedel-izdestirý sharalary barysynda onyń zańsyz áreketi áshkerelendi.
Áiel bosanǵannan keiin nebári úsh kúndik náresteni aqshaǵa bermek bolǵan sátinde qolǵa túsken. Politsiianyń jedel áreketiniń arqasynda sábige tónýi múmkin qaýiptiń aldyn alý múmkin boldy.
Atalǵan derek boiynsha qylmystyq is qozǵalyp, kúdikti ýaqytsha ustaý izoliatoryna qamaldy.
Qazirgi ýaqytta jańa týǵan qyz bala dárigerlerdiń baqylaýynda. Onyń ómiri men densaýlyǵyna qaýip joq.
Tergeý amaldary jalǵasyp jatyr. Oqiǵanyń barlyq mán-jaiy anyqtalyp, zań aiasynda tiisti sheshim qabyldanady.
Politsiia adam saýdasynyń kez kelgen túri, ásirese balalarǵa qatysty qylmystar qatań túrde toqtatylatynyn eskertti.
