Pavlodarda sintetikalyq esirtki taratýmen ainalysty degen kúdikke ilingen er adam qolǵa tústi. Arnaiy operatsiiany oblystyq politsiia departamentiniń esirtki qylmysyna qarsy is-qimyl basqarmasy júrgizgen, dep habarlaidy ult.kz.
Tergeý málimetinshe, kúdikti internet arqyly jumys isteitin jasyryn esirtki dúkeninde “jasyrýshy” qyzmetin atqarǵan. Iaǵni, tyiym salynǵan zattardy arnaiy oryndarǵa tyǵyp ketýmen ainalysqan.
Politsiia onyń úiin tintý barysynda sintetikalyq esirtki salynǵan eki oramany tárkilegen. Sonymen qatar qala aýmaǵyndaǵy jasyryn oryndardan da esirtki saqtalǵan birneshe qoima tabylǵan. Tárkilengen zattardyń jalpy salmaǵy 5 gramnan asqan.
Atalǵan fakti boiynsha qylmystyq is qozǵaldy. Qazir quqyq qorǵaý organdary ustalǵan azamattyń esirtkiniń zańsyz ainalymyna qatysty basqa da qylmystarǵa qatysy bar-joǵyn tekserip jatyr.
Politsiia jastarǵa internettegi “ońai aqsha” týraly usynystarǵa aldanyp qalmaýǵa shaqyrdy. Vedomstvo ókilderiniń aitýynsha, esirtki shemalaryn uiymdastyrýshylar ózderin tasada qaldyryp, barlyq jaýapkershilikti oryndaýshylarǵa júkteidi.
Quqyq qorǵaýshylar zańsyz tabysqa bola bolashaq pen erkindikti táýekelge tikpeýge úndedi.
