Pavlodarda qulaǵan úige irgeles ǵimarattyń qurylysy toqtatyldy. Tótenshe jaǵdaiǵa bailanysty taǵaiyndalǵan prokýrorlyq tekserý 30 kúnge deiin sozylady, dep habarlaidy "Ult aqparat" Pavlodarnews.kz saityna silteme jasap.
Toraiǵyrov kóshesi, 75/3 mekenjaiy boiynsha salynyp bitpegen ǵimarattyń janynda taǵy bir jańa qurylys ornalasqan. Sarapshylardyń aitýynsha, eki ǵimarat ta bir turǵyn úi kesheni retinde qarastyrylady. Bul týraly Óńirlik kommýnikatsiialar qyzmetinde ótken brifingte oblys ákiminiń birinshi orynbasary Oleg Krýk málimdedi. - Bolǵan oqiǵanyń sebepteri anyqtalǵanǵa deiin qulaǵan úidiń janynda ornalasqan ekinshi úidiń qurylysy toqtatyldy, - dedi spiker.
Arnaiy qurylǵan komissiia músheleri qulaǵan úidi irgetasqa deiin tolyǵymen joiýdy talap etýge nietti. Alaida, aldymen tehnikalyq tekserýdi jáne tótenshe jaǵdaidy tergeý nátijelerin kútý kerek. Qala ákimdiginiń sáýlet jáne qala qurylysy bóliminiń basshysy Nariman Qaiyrlenovtiń aitýynsha, úidi jeke qurylys salýshy óz qarajatyna turǵyzdy.
Jer ýchaskesi Nur-Sultan turǵynyna tiesili. Ǵimaratty TOO «Myrza stroi» JShS Pavlodar uiymy jobalaǵan, onyń qaraýynda avtorlyq qadaǵalaý bolǵan. Qurylyspen «Elit stroiservis pliýs» JShS merdigerlik uiymy ainalysty, tehnikalyq qadaǵalaýdy «Servistehnadzor» JShS kompaniiasy júrgizdi. Saraptama týraly qorytyndyny «Ekspertiza-PV» JShS berdi. Nysan tehnikalyq turǵydan kúrdeli emes dep baǵalandy. Atalǵan qurylysqa qatysýshylardyń árqaisysynda tártippen barlyq qujattary men litsenziialary bolǵan.
- Bizdiń málimetter bazasy boiynsha merdiger «Elit stroiservis pliýs» JShS-de qurylysta tájiribesi joq. Ol bizdiń derekqorymyzda joq. Qalada 10-ǵa jýyq nysandy jeke firmalar salady. «Elit stroiservis pliýs» JShS-merdiger esebinde basqa esh jerde joq. Bul uiymnyń bir jerde qosalqy merdigerlik bolýy da múmkin, biraq bizde derekter joq, - dedi Nariman Qaiyrlenov.
Esterińizge sala keteiik, aiaqtalmaǵan ǵimarat 17 maýsymda qulady. Salynǵan úsh qabattyń eki qabaty, árqaisysynda 60 sharshy metrden joiyldy.
Ǵimarat qulaǵan kezde úsh jumysshy zardap shekti, Olardyń barlyǵy - Ózbekstan azamattary. Ekeýi ortasha aýyr jaǵdaida birinshi qalalyq aýrýhananyń politravma bólimshesine jatqyzyldy. Keiin belgili bolǵandai, aldyn ala málimetter boiynsha, sheteldikter qurylysta zańsyz jumys istegen.
Avtoturaq ornynda tórt qabatty turǵyn úi paida bolýy kerek edi. Bastapqyda ýchaske bir adamǵa tiesili bolǵan, al 2020 jyldyń qazan aiynda ony ekinshisi satyp aldy. Jańa menshik iesi avtoturaqtyń ornyna kóp qabatty turǵyn úi salýdy sheshken. Nátijesinde bul beton negizi bar tórt qabatty kirpish úi bolýy kerek edi. Ár qabatta úsh páter, edender arasynda eki qabatty baspaldaqtar, kireberiste múgedekter arbasyna yńǵaily pandýs jáne qasbettegi dinamikalyq jaryqtandyrý josparlanǵan. Úidiń janynda balalar oiyn alańyn, konteiner alańyn jabdyqtap, asfalt pen tóselgen tastar tósep, kógaldardy jabdyqtaý kózdelgen.
Qurylystyń barlyq qatysýshylary bul jaǵdai úshin jaýapkershilikke tartylýy múmkin.
