Foto: termincom.kz
Pavlodardaǵy arnaiy ortalyqtarda 11 bala zorlyq-zombylyq kórgeni týraly habar taraǵan edi. Osy oqiǵanyń mán-jaiyn, Ult.kz tilshisi “Balalardyń quqyqtaryn qorǵaý: syn-qaterler jáne damý perspektivalary” atty brifingte jaýaptylardan surap bildi.
Ult.kz tilshisiniń «Pavlodarda bolǵan oqiǵa «balalardyń qaýipsizdigi týraly» zańnyń jumys istemei turǵanyn kórsetpei me?”-degen suraǵyna Qazaqstan Respýblikasynyń oqý-aǵartý vitse-ministri Edil Sabyruly jaýap berdi. Onyń aitýynsha:
“Zańdardyń istei bastaǵanynan osyndai jantúrshigerlik jaǵdaiǵa balalar tap bolǵany anyqtalyp jatyr. Iaǵni, psihologtar balalarmen jumys jasaǵan kezinde ol balalar buryn túrli jaǵdailarda zorlyq-zombylyqqa ushyraǵany anyqtalǵan. Biz qazir negizinen problemany anyqtaýǵa kúsh salyp otyrmyz. Eger sebep-saldaryn anyqtaityn bolsaq, onda máseleni júieli sheshýge múmkindik týyndaidy. Qaitalap aitýym kerek, bilim berý uiymdaryndaǵy psihologiialyq qyzmettiń tiisti jaýapty uiymdarmen, densaýlyq saqtaý, áleýmettik qorǵaý jáne IIM arasynda birtutas jumys isteý algoritmi osyndai oqiǵalardy anyqtaýǵa múmkindik berip otyr”.
Odan bólek Balalar quqyqtaryn qorǵaý tóraiymy Nasymjan Ospanova vitse-ministrdiń jaýabyna qosymsha etip:
“Ómirlik qiyn jaǵdaiǵa tap bolǵan balalardy anyqtaý, olarǵa kómek kórsetý, psihologiialyq qyzmet kórsetý ortalyqtary, meditsina qyzmetkerleri, politsiia jáne prokýratýramen birlese otyryp atqarylǵan jumystar arqyly anyqtaý múmkin boldy”,-dedi.
Sondai-aq, Nasymjan Ospanova qazirgi ýaqytta elimizde balalarǵa qatysty zorlyq-zombylyq týraly zertteý júrgizilip jatqanyn túsiný óte mańyzdy ekenin, memlekettiń basty mindeti – balalardyń qaýipsizdigin qamtamasyz etý ekenin aityp ótti.
Al, tilshiniń “tergeý qalai júrip jatyr degen suraǵyna IIM ókili Abylai Ótegenuly: «Tergeý júrgizilip jatyr» dep qysqa qaiyrdy.
Pavlodar oblysynda bolǵan 11 balanyń zorlyq-zombylyq kórgeni birtutas jumys isteý algoritmi aiasynda anyqtalǵan. Odan bólek vitse-ministr, jaǵdai jiti baqylaýda ekenin, tergeý-tekserý jumystary aiaqtalǵannan keiin, nátijeler BAQ ótkilderine beriletinin aityp ótti.
Esterińizge salaiyq, buǵan deiin Pavlodar oblysynda Pavlodar oblysy prokýrorynyń aǵa kómekshisimen kezekti jumys kezdesýi ótkeni týraly Oblystyq ombýdsmen ýákili Sáýle Shákenova áleýmettik jelisine jazǵan edi. Onyń jazýynsha 2024 jyldyń qarasha aiynda anyqtalǵan jasóspirimderdiń jynystyq tutastyǵyna qarsy jasalǵan qylmystar talqylanǵan.
“10 jastan 16 jasqa deiingi 105 balanyń barlyǵyna meditsinalyq tekserý júrgizilgende, Pavlodar oblysy balalar úileri men balalardy qoldaý ortalyqtarynyń tárbielenýshileri arasynan jynystyq tutastyqty buzýdyń 11 faktisi anyqtaldy. Onyń ishinen 8 faktisi qazirgi ýaqytta ERDR-ge tirkelip, sotqa deiingi tergeý júrgizilýde, kúdiktiler anyqtalyp, ustaldy. 3 fakti boiynsha qylmystyq quramnyń bar-joǵy tekserilýde. Sonymen qatar, «úidegi» balalarǵa qatysty jynystyq zorlyq-zombylyqtyń 2 faktisi anyqtaldy. Joǵaryda kórsetilgen barlyq zańsyz áreketter birneshe jyl buryn jasalǵan”,-degen Sáýle Shákenova.
