Foto: ashyq derekkóz
«Memlekettik satyp alý týraly» zań talaptarynyń saqtalýyn taldaý barysynda birqatar zańbuzýshylyqtar anyqtaldy, dep habarlaidy Ult.kz.
Atap aitqanda, zańnyń 8-babyna sáikes memlekettik satyp alýǵa josyqsyz qatysýshy dep taný týraly talappen sotqa 30 kún ishinde júginý qajet. Alaida tapsyrys berýshi memlekettik mekemeler bul talapty júieli túrde buzatyny belgili boldy.
Mamandardyń aitýynsha, laýazymdy tulǵalardyń áreketsizdigi jetkizýshilerdiń oryndalmaǵan mindettemeler úshin jaýapkershilikten jaltarýyna múmkindik beredi. Bul óz kezeginde zań talaptaryna qaishy keledi.
Mysal retinde mamandandyrylǵan aýdanaralyq ekonomikalyq sottyń 2025 jylǵy 27 qarashadaǵy sheshimi keltirildi. Onda «Ekibastuz qalasy Shiderti kenti ákiminiń apparaty» memlekettik mekemesiniń «Ámir» jeke kásipkerin josyqsyz qatysýshy dep taný týraly talaby qanaǵattandyrylmaǵan.
Is materialdaryna sáikes, jetkizýshi shart mindettemelerin belgilengen merzimde oryndamaǵany 2025 jylǵy 15 qyrkúiekte belgili bolǵan. Soǵan qaramastan, talap aryz sotqa tek 29 qazanda berilgen. Bul zańda kórsetilgen merzimniń ótip ketýine ákelgen.
Atalǵan faktilerdi zerdeleý nátijesinde oblys prokýratýrasy Ishki memlekettik aýdit departamentine qadaǵalaý aktisin engizdi. Nátijesinde ýákiletti organ 7 laýazymdy tulǵany ákimshilik jaýapkershilikke tartyp, olarǵa aiyppul saldy.
