Foto: Ashyq derekkóz
Pavlodar oblysynda mal urlyǵymen ainalysqan uiymdasqan qylmystyq top áshkerelendi. Pavlodar oblysy aýmaǵynda júrgizilgen jedel sharalar barysynda 9 kúdikti ustalyp, olardyń tórteýi qamaýǵa alyndy, dep habarlaidy Ult.kz.
Aldyn ala málimetke sáikes, top músheleri ótken kúzde erkin jaiylymdardan mal urlap, keiin ony soiyp, etin saýdaǵa shyǵarǵan. Keltirilgen materialdyq shyǵyn kólemi 40 million teńgeden asady. Qazir olardyń osyǵan uqsas ózge de qylmystarǵa qatysy bar-joǵy tekserilip jatyr.
Oblystyq Politsiia departamentiniń kriminaldyq politsiia basqarmasynyń bastyǵy Jaslan Tanjanovtyń aitýynsha, sotqa deiingi tergep-tekserý amaldary jalǵasýda.
Sonymen qatar tártip saqshylary veterinarlyq qyzmetpen birlesip, mal men et ónimderin tasymaldaýǵa qatysty baqylaýdy kúsheitken. Jaiylymdar, qaraýsyz júrgen mal, saýda núkteleri, bazarlar, soiý pýnktteri jáne et tasymaldaityn kólikter turaqty tekserilýde. Ásirese mal ainalymynyń zańdylyǵyn rastaityn qujattar men veterinarlyq talaptardyń saqtalýyna basymdyq berilip otyr.
Politsiia mal ielerin qaýipsizdik sharalaryn kúsheitýge shaqyrdy. Sebebi tirkelmegen jáne qaraýsyz qalǵan mal kóbine urlyq nysanasyna ainalýda.
