Foto: ashyq derekkóz
Pavlodar oblysynda qaryzy bar tulǵalardy anyqtaý maqsatynda júrgizilgen reid barysynda iri bereshegi bar avtokólik toqtatyldy, dep habarlaidy Ult.kz.
"Boryshker" jedel-profilaktikalyq is-sharasy aiasynda patrýldik politsiia, prokýratýra jáne sot oryndaýshylary birlesip tekserý júrgizgen. Nátijesinde Cadillac Escalade kóligi anyqtalyp, toqtatyldy.
Tekserý barysynda atalǵan kólik tiesili uiymnyń 34 million teńgeden astam bereshegi bar ekeni belgili boldy. Osyǵan bailanysty jeke sot oryndaýshysynyń qaýlysy negizinde avtokólik arnaiy aiyp turaǵyna qoiyldy.
Politsiia ókilderi mundai sharalar ákimshilik qaýlylardyń oryndalýyn qamtamasyz etý jáne bereshekterdi óndirý maqsatynda júrgizilip jatqanyn atap ótti. Sondai-aq azamattarǵa aiyppuldar men ózge de qaryzdardy ýaqytynda tóleý qajettigi eskertildi.
