Pavlodar oblysynyń ákimi Ábilqaiyr Ysqaqov osy óńirdiń týmasy, tanymal reper Skriptonittiń (Ádil Jálelov) synyna jaýap berdi. Reper kaltsii qosylǵan soda zaýyty men iadrolyq qaldyqtar qoimasyn salýǵa narazylyq bildirgen bolatyn.
"Pavlodarda zaýyt salýdy toqtatyńyzdar", - dep áleýmettik jelidegi paraqshasynda jazǵan Skriptonit qoima qurylysyna arnalǵan tyńdalymnan úzindi keltirdi.
Al óńir ákimi qoima Pavlodar oblysyna emes, oǵan tiesili jerge qatysty ekenin málimdedi, dep habarlaidy Sputnik agenttigi.
"Qoimaǵa qatysty aitsaq, ol bizdiń óńirdiń aýmaǵyndaǵy másele emes, onda (Pavlodar oblysynyń Mai aýdanynda) qoimanyń jeri ornalasqan. Bul uzaq ýaqytqa sozylatyn joba. Sondyqtan qazir atalǵan qoima Pavlodar oblysynyń aýmaǵynda paida bolady dep aitý durys emes. Qazir aldyn ala tyńdalym men konsýltatsiialar júrip jatyr", - dedi Ysqaqov.
Onyń pikirinshe, jobany iske asyrý úshin eń aldymen jergilikti ekologiiaǵa qalai áser etetinin anyqtap alý kerek.
Kaltsii qosylǵan soda zaýytynyń qurylysy týraly sheshim 2019 jyly óńirlik konsýltatsiialyq keńeste qabyldanypty. Bul jobany iske asyrý elge 73 milliard teńge kóleminde investitsiia alyp keledi. Búgingi kúnge deiin úsh qoǵamdyq tyńdalym ótti.
"Sońǵy qoǵamdyq tyńdalym belsendi sipatta ótti, bizdegi ekologiia qoǵamy óte qýatty. Olardyń investorlardyń aldynda jobany egjei-tegjeili túsindirý boiynsha talap qoia alǵany úshin alǵys aitqym keledi", - dedi Ysqaqov.
Qazirgi ýaqytta jobanyń tehnikalyq-ekonomikalyq negizdemesin ázirleý aiaqtalyp jatyr. Sodan keiin joba-smetalyq qujattamany daiyndaý bastalady.
"Búginde qandai da bir suraqtar týyndap otyrǵanyna bailanysty tapsyrys berýshi men oryndaýshy osy jobanyń jaǵymdy jáne jaǵymsyz tustaryn atap kórsetip, taǵy da túsindirý jumystaryn júrgizý kerek dep oilaimyn. Sondyqtan men sáikes tapsyrma beremin", - dedi óńir basshysy.
"Investitsiialar men tehnologiialar arasynda rasynda da kúrdeli tańdaý tur. Barlyq rásim qatań saqtalyp, ekologiialyq tazalyqqa qol jetkizsek, zaýyt iske qosylýy múmkin. Muny zań da, jańa Ekologiialyq kodeks te talap etedi. Meniń ustanymym osyndai", - dep qorytty Ysqaqov.
