Pavlodar oblysynda mas kúiinde jol-kólik oqiǵasyn jasaǵan áiel jalǵan júktilik týraly anyqtamanyń kómegimen ákimshilik qamaýdan ýaqytsha qutylǵan. Keiin meditsinalyq qujattyń jalǵan ekeni anyqtalyp, is boiynsha birqatar shara qabyldandy, dep habarlaidy ult.kz.
Buǵan deiin jalǵan anyqtama áielge jol-kólik oqiǵasynan keiin ákimshilik qamaýǵa alynbaýǵa múmkindik bergen. Qujattyń qoldan jasalǵany anyqtalǵan soń, sot oǵan 20 táýlik ákimshilik qamaý jazasyn taǵaiyndady.
Prokýratýranyń málimetinshe, meditsinalyq qujattardy rásimdeý, esepke alý, saqtaý jáne berý tártibine baqylaý kúsheitilgen. Qujattarǵa ózgeris engizý múmkindigi de joiylǵan.
Sonymen qatar para alǵan jáne dáleldemelerdi burmalaǵan adam sottaldy. Oǵan 6,6 mln teńge kóleminde aiyppul salynyp, memlekettik qyzmette qyzmet atqarýǵa ómir boiyna tyiym salyndy.
Prokýratýra jalǵan meditsinalyq qujattyń qoldanylýyna qandai jaǵdailar múmkindik bergenin de teksergen. Tekserý qorytyndysy boiynsha bes laýazymdy tulǵa, onyń ishinde eki basshy qatań tártiptik jaýapkershilikke tartyldy.
Osylaisha, jalǵan anyqtamany paidalanǵandarǵa qatysty jaza qoldanylyp qana qoimai, meditsinalyq qujattardy rásimdeý men berýge qoiylatyn baqylaý da kúsheitildi.
