Pavlodar oblysynda jylqyshy 36 bas jylqy urlady degen kúdikke ilindi, dep habarlaidy Polisia.kz.
Pavlodar oblysynda tabynshy 2017-2020 jyldar aralyǵynda 36 bas jylqy urlady degen kúdikke ilinip, ustaldy.
«Pavlodar oblysynda 2017-2020 jyldar aralyǵynda jeke paida túsirý maqsatynda jáne paidakúnemdik nietpen Ertis aýdany Aǵashoryn aýylynyń erkin jaiylýynan 36 bas jylqy urlaǵan aýyl turǵyny anyqtalyp, ustaldy. Budan basqa, tabynshy keibir mal ielerine malynyń ólgenin habarlamai, aqysyn alýdy jalǵastyra bergen», – dep habarlady Pavlodar oblystyq politsiia departamenti bastyǵynyń orynbasary Rashad Óteýov.
Atalǵan faktiler boiynsha qazirgi ýaqytta Qazaqstan Respýblikasy QK 190-baby 1-bólimi (Alaiaqtyq) jáne 188-1-bóligi 3-bólimi (Mal urlaý) boiynsha sotqa deiingi tergeý júrip jatyr.
Er adam 2017-2020 jyldar aralyǵynda 13 urlyq faktisin jasady dep kúdikke ilindi.
