Pavlodar oblysynda tórt jasar bala kólik dońǵalaǵynyń astyna túsip, ajal qushty, dep habarlaidy Pavlodarnews.kz.
Oblystyń Politsiia departamenti baspasóz qyzmetiniń málimetinshe, 28 maýsym kúni saǵat 17:30-da Aqsý aýyldyq aimaǵynyń Bereke aýylynda «VAZ 2106» markaly avtokóliginiń 21 jastaǵy júrgizýshisi jol boiyna júgirip shyqqan 2017 jyly týǵan qyzdy qaǵyp ketken.
«Jol-kólik oqiǵasy saldarynan búldirshin alǵan dene jaraqatynan oqiǵa ornynda kóz jumdy», - dedi Politsiia departamenti bastyǵynyń birinshi orynbasary Jasqairat Qaiyrov.
Onyń aitýynsha, júrgizýshige qatysty QR Qylmystyq kodeksiniń 345-baby 3-bóligi boiynsha sotqa deiingi tergeý bastaldy. Ol ýaqytsha ustaý izoliatoryna qamaldy.
