Pavlodar oblysynda elorda kúnine orai qandai sharalar ótetini belgili boldy, dep habarlaidy "Ult aqparat" Pavlodarnews.kz saityna silteme jasap.
Bul týraly onlain ótken baspasóz máslihatynda Pavlodar oblysynyń mádeniet, tilderdi damytý jáne arhiv isi basqarmasy basshysynyń mindetin atqarýshy Sáýle Ospanova málim etti.
- Merekelik sharalar barysynda 3 shildede Astana kúni qarsańynda Nur-Sultan qalasynda Qanysh Sátbaev eskertkishiniń ashylýy ótedi. Eskertkish Pavlodar oblysynyń ákimdigi atynan Nur-Sultan qalasynyń ákimdigine syiǵa tartylady. Onyń avtory – belgili músinshi, birqatar úlken eskertkishterdiń avtory Asqar Nartov. Eskertkish elordadaǵy Qanysh Sátbaev pen Qajymuqan Muńaitpasov kósheleriniń qiylysyndaǵy «Qazaqstan» sport kesheniniń aldynda ornatylady, - dedi Sáýle Ospanova.
Eskertkish qoladan quiylǵan, biiktigi 5,25 m, salmaǵy 4,9 tonna. Tuǵyr tasy granitten jasalǵan, biiktigi – 5,8 m, salmaǵy – 3,6 tonna.
Sondai-aq Astana kúnine Pavlodar oblysy boiynsha 270-ten astam is-shara ótkizý josparlandy. Onyń 30-dan astamy oblystyq mádeniet kásiporyndary men mekemelerinde ótkiziletin bolady.
Onyń ishinde merekelik kontsertter, aktsiialar, viktorinalar, kórmeler, kvestter, chellendjder, dárister, dóńgelek ústelder, ádebi jáne mýzykalyq keshter jáne basqa da sharalar bar.
- 6-30 shilde aralyǵynda oblystyq kórkemsýret mýzeiinde «Táýelsizdik kepili. Oqiǵalar men ómir hronikasy» fotokórmesi jumys jasaidy. Shilde aiy boiy Pavlodar qalasynyń ortalyq kitaphanasynda «Táýelsizdik rýhymen» kitap kórmesi uiymdastyrylady. El Táýelsizdiginiń 30 jyldyǵy sheńberinde «Shańyraq» ortalyǵy 21 maýsymnan bastap 3 shildege deiin «Eńsesi biik Elorda» balalar men jasóspirimder arasynda án jáne kórkemsóz oqý sheberleriniń baiqaýyn ótkizýde, - dedi Sáýle Ospanova.
5 shildede oblystyq kitaphananyń S.Baiazitov atyndaǵy balalar oqý ortalyǵy «Uly dala Elordasy» QR Tuńǵysh Prezidenti týraly filmderdiń kinokórsetilimin uiymdastyrady.
Al, 6 shildede oblys ortalyǵyndaǵy barlyq mýzykalyq mektepter men mýzykalyq ujymdar óz alańdarynda, syrtta kontsert uiymdastyrady.
