Patrýl kóligin teýip, politseidi urǵan: Shymkentte jasóspirim jazalandy

Foto: iStock

Shymkentte politsiia qyzmetkerine kúsh kórsetken jasóspirimge sot úkimi shyqty. Oqiǵa turǵyn úi aýlasyndaǵy tóbeleske bailanysty shaqyrtý kezinde bolǵan, dep habarlaidy Ult.kz.

Is kámeletke tolmaǵandardyń isteri jónindegi mamandandyrylǵan aýdanaralyq sotynda qaraldy. Tergeý málimetinshe, oqiǵa ótken jyldyń qarasha aiynda tirkelgen. Aýladaǵy janjal týraly habarlama túskennen keiin oqiǵa ornyna patrýldik politsiia qyzmetkerleri jedel jetken.

Sol sátte jasóspirim aldymen patrýldik kólikti teýip, keiin tártip saqshylary kólikten shyqqanda olardyń zańdy talaptaryna baǵynbaǵan. Qarsylasý barysynda ol politseilerdiń birin judyryqpen uryp, saldarynan qyzmetker jeńil jaraqat alǵan.

Sot otyrysynda jasóspirim kinásin tolyq moiyndap, jasaǵan isine ókinetinin aityp, jeńil jaza surady. Al jábirlenýshi tarap jaza taǵaiyndaý máselesin sottyń qaraýyna qaldyrdy.

Prokýror aiyptalýshyǵa bas bostandyǵyn shekteý jazasyn taǵaiyndaýdy surady. Nátijesinde sot ony «bilik ókiline qatysty kúsh qoldaný» baby boiynsha kináli dep tanydy.

Sot jasóspirimniń shyn ókinýin jeńildetetin mán-jai retinde eskerip, aýyrlatatyn jaǵdailar anyqtalmaǵanyn atap ótti.

Úkimge sáikes, jasóspirim 1 jyl 4 ai merzimge bas bostandyǵyn shekteý jazasyna kesildi. Úkim zańdy kúshine endi.