Qostanai jylqy tuqymy tarihta alǵash ret Qazaqstan Respýblikasy Kýbogynyń at úiretý boiynsha kezeńinde júldegerler qatarynan kórindi.
Qostanai tuqymyna jatatyn «Patron» esimdi jylqy Qazaqstan Respýblikasy At sporty federatsiiasynyń at úiretý boiynsha Kýbogynyń birinshi kezeńinde 2-oryn aldy. Ol joǵary daiyndyq deńgeiin, tamasha basqarylýyn jáne at sportynyń tehnikalyq turǵydan eń kúrdeli distsiplinalarynyń birinde básekege qabilettiligin kórsetti.
Bul nátijeniń tarihi mańyzy zor: Qostanai tuqymy alǵash ret Qazaqstan Respýblikasy deńgeiindegi at úiretý jarystarynda júldegerler qataryna endi. Bul jetistik atalǵan tuqymnyń tek ámbebap ekenin ǵana emes, sonymen qatar dástúrli túrde joǵary dáldik, qozǵalys plastikasy men uzaq merzimdi júieli daiyndyqty talap etetin klassikalyq eýropalyq distsiplinalarda da tabysty básekege túse alatynyn dáleldeidi.
Qostanai tuqymy — ulttyq genqorǵa resmi túrde engizilgen alǵashqy otandyq minis-jegin jylqy tuqymy. HH ǵasyrdyń ortasynda qalyptasqan bul tuqym tózimdiligimen, kúshtiligimen jáne Qazaqstannyń qatań klimattyq jaǵdailaryna beiimdelgishtigimen erekshelenedi. Tarihi turǵyda ámbebap jumys jáne sport jylqysy retinde paidalanylǵan ol búginde at sportynyń zamanaýi distsiplinalarynda, sonyń ishinde at úiretýde zor áleýet kórsetip keledi.
Allur kompaniiasy Qostanai tuqymyn damytýdaǵy negizgi seriktesterdiń jáne qozǵaýshy kúshterdiń biri bolyp tabylady. Uzaq merzimdi strategiia aiasynda kompaniia tuqymdy saqtaý, selektsiialaý jáne nasihattaýǵa baǵyttalǵan keshendi baǵdarlamany júzege asyrýda. Bul jumystarǵa asyl tuqymdy bazany damytý men genetikalyq áleýetti arttyrý da kiredi. Sonymen qatar, jylqylardy ulttyq jáne halyqaralyq jarystarǵa daiyndaý úshin zamanaýi jattyqtyrý ádisteri engizilýde. Otandyq at sportyn damytýǵa jáne Qostanai tuqymyn Qazaqstannyń ulttyq brendi retinde halyqaralyq arenada ilgeriletýge baǵyttalǵan turaqty ekojúie qalyptastyrylýda.
«Patronnyń» jetistigi — tuqymnyń áleýetin júieli túrde ashý baǵytyndaǵy eńbektiń nátijesi jáne tańdalǵan strategiianyń tiimdiligin dáleldeidi.
Aita ketý kerek, bul — Allur aiasynda Qostanai tuqymyndaǵy jylqylardyń alǵashqy eleýli jetistigi emes. 2025 jyly kompaniia komandasy ekinshi halyqaralyq «Uly Dala joryǵy» marafon-báigesinde jeńiske jetip, uzaq qashyqtyqtarda otandyq tulparlardyń airyqsha tózimdiligi men basymdyǵyn dáleldedi.
Osylaisha, Qostanai tuqymynyń at úiretýde júldeli deńgeige shyǵýy otandyq jylqy sharýashylyǵy tarihynda jańa bet ashady jáne onyń zamanaýi at sportynyń túrli baǵyttarynda joǵary áleýetke ie ekenin aiqyndai túsedi.
