Parlament Senatynyń jalpy otyrysynda «2014 jylǵy 29 mamyrdaǵy Eýraziialyq ekonomikalyq odaq týraly shartqa Armeniia Respýblikasynyń qosylýy týraly 2014 jylǵy 10 qazandaǵy shartqa ózgerister engizý týraly hattamany ratifikatsiialaý týraly» Zańy qabyldandy, dep habarlaidy "Ult aqparat".
«Armeniia Respýblikasynyń Eýraziialyq ekonomikalyq odaqqa qosylý barysynda 2022 jylǵy 1 qańtarǵa deiin keibir taýarlarǵa qatysty Eýraziialyq ekonomikalyq odaqtyń Biryńǵai kedendik tarifinde kózdelgennen neǵurlym tómen importtyq kedendik bajdardy qoldaný múmkindigi berilgen», - dedi QR Saýda jáne integratsiia ministri Baqyt Sultanov.
Onyń aitýynsha, 2019 jylǵy jeltoqsanda Joǵary Eýraziialyq ekonomikalyq keńes barysynda Armeniia Respýblikasynyń Premer-Ministri Biryńǵai kedendik tarifke kóshý kezeńin uzartý týraly ótinish bildirdi. Eýraziialyq ekonomikalyq odaq memleketteriniń basshylary, sondai-aq Joǵary Eýraziialyq ekonomikalyq keńestiń qurmetti tóraǵasy – QR Tuńǵysh Prezidenti-Elbasy Nursultan Nazarbaev ótpeli kezeń 2019 jyly aiaqtalǵan taýarlarǵa qatysty tómen importtyq bajdardy qoldaný merzimin 1 jylǵa uzartýǵa kelisti.
Osylaisha, 2020 jyly shyǵaryp tastaý tizbesi 647 taýar pozitsiiasyn qurady. 2021 jylǵy
1 qańtardan bastap Armeniiada tek 94 taýar qaldy, olar boiynsha 2022 jylǵy 1 qańtarǵa deiin tómengi importtyq baj salyǵy qoldanylady. Bul et, jarma, kókónister, asyl tastar men jabdyqtar siiaqty taýarlar.
