Pandemiia syn-qaterin jalǵyz júrip sheshý múmkin emes. Mundai pikirdi Grýziia Parlamentiniń eks-tóraǵasy Nino Býrdjanadze bildirdi, dep habarlaidy QazAqparat.
«Pandemiia búkil álemdegi aýaldy túbegeili ózgertip jiberdi. Ol adamdardyń densaýlyǵy men kóńil-kúiine ǵana áser etip qoimai ekonomikalyq jáne áleýmettik problemalardy da ýshyqtyra tústi. Sondyqtan pandemiiadan týyndaǵan syn-qaterdi jalǵyz júrip eńserý múmkin emes. Árine, árbir memleket onyń eńserý úshin naqty is-sharalar qabyldaý tiis. Degenmen, qazirgi oryn alyp otyrǵan daǵdarystan álem tezirek shyǵý úshin yntymaqtastyq pen kooperatsiia da óte mańyzdy. Osy turǵyda otyrysta Qazaqstannyń keleshegi jaiynda sóz qoǵadym. Qazaqstan kóp is tyndyryp, óńirdegi kóshbasshy ekendigin birneshe márte pash etti jáne onyń ekonomikalyq ta, saiasi turǵyda da áleýeti óte joǵary, Sondyqtan Grýziia úshin Qazaqstanmen strategiialyq yntymaqtastyqty jalǵastyryp, pandemiia máselelerin birlesip sheshýge múmkindik beretin jańa jobalardy júzege asyrý mańyzdy», - dedi ol Astana klýbynyń 6-otyrysy aiasynda BAQ ókilderine bergen suhbatynda.
Sonymen qatar sheteldik sarapshy Qazaqstan halyqty koronavirýsqa qarsy vaktsinatsiialaýda joǵary nátijege qol jetkizgendigin basa aitty.
«Vaktsinatsiiaǵa qarsy naýqanda muqalmaǵan Qazaqstan Úkimeti men halqyna rizashylyǵymdy bildirgim keledi. Halyqtyń 70 paiyzynyń vaktsina alýy búkil álemdi jaýlaǵan ekonomikalyq daǵdarystan tezirek shyǵýǵa negiz bolady», - dedi ol.
