Pandemiia kezeńinde biotehnologiia salasyndaǵy ǵylymi zertteýler men eksperimenttik ázirlemeler boiynsha qyzmetter kólemi úsh ese artty, dep habarlaidy Energyprom.kz monitoring agenttigi.
2020 jyldyń birinshi toqsanynda ǵylymi zertteýler men ázirlemeler salasyndaǵy qyzmetter 19,1 mlrd teńgeni qurady, bul ótken jylmen (91,2%) salystyrǵanda 6,9%-ǵa az.
Barlyq kórsetilgen qyzmettiń 62,3%-y Almatyǵa tiesili, bul – 11,9 mlrd. teńgeni qurady. Atalǵan kórsetkish ótken jylmen birdei. 12,5%-y Shyǵys Qazaqstan oblysyna al 9,9%-y Nur-Sultan qalasyna tiesili.
Osy saladaǵy barlyq qyzmettiń 86,4%-yn quraityn jaratylystaný jáne injeneriia salasynda eń kóp qarajat geologiialyq saladaǵy ǵylymi-zertteý, tájiribelik-ádistemelik jáne tájiribelik-konstrýktorlyq jumystarǵa 1,1 mlrd teńge bólindi. 1,1 milliard teńge biotehnologiia salasyndaǵy ǵylymi-zertteý jáne tájiribelik-konstrýktorlyq jumystarǵa jumsaldy. Munda investitsiialardyń qarqyndy ósýi baiqalady. Qyzmet kórsetý kólemi ótken jyldyń birinshi toqsanyna qaraǵanda 3,3 esege ósti.
Bilim jáne ǵylym ministri Ashat Aimaǵambetov COVID-19-ǵa qarsy qazaqstandyq vaktsina 2020 jylǵy qyrkúiekte klinikalyq synaqqa alynýy múmkin ekenin málimdedi.
Ministrdiń aitýynsha, Qazaqstanda biologiialyq qaýipsizdik jáne biotehnologiia salasynda júieli túrde ǵylymi zertteýler júrgiziledi. Atalǵan salada 12 ǵylymi uiym, 2,5 myńǵa jýyq adam jumys isteidi. Búgingi tańda elimizdiń 19 joǵary oqý ornynda osy salanyń 4 myńǵa jýyq bolashaq mamany bilim alýda.
Ulttyq biotehnologiia ortalyǵy — biologiialyq beiindegi iri ǵylymi uiymdardyń biri. Ortalyq 25 sertifikattalǵan ǵylymi zerthanadan turady.
Munda Densaýlyq saqtaý ministrliginiń tapsyrysy boiynsha koronavirýsty diagnostikalaý úshin 11 myń PTR test-júiesi ázirlengen.
Buǵan deiin Bilim jáne ǵylym ministrligi habarlaǵandai, Jambyl oblysynda koronavirýsqa qarsy vaktsina shyǵarady. Vaktsina shyǵaratyn biofarmatsevtikalyq zaýyt tiisti óndiristik tájiribeniń (GMP) halyqaralyq standarty boiynsha immýnobiologiialyq dári-dármekter, onyń ishinde koronavirýs infektsiiasyna qarsy vaktsina shyǵaratyn bolady.
Sondai-aq kásiporynda pandemiialyq tumaýǵa, týberkýlezge, brýtsellezge, nodýliarlyq dermatitke, usaq kúiis qaiyratyn janýarlar obasyna, qoi men eshkiniń kontagiozdy ektimasyna, qoi sheshegine, qutyrmaǵa jáne basqa da juqpaly aýrýlarǵa qarsy vaktsinalar shyǵarylady.
Qurylys jumystaryn biyl jeltoqsan aiynda aiaqtaýdy josparlap otyr. Jyl saiyn biofarmatsevtikalyq preparattardyń 60 mln dozasyna deiin óndirý kózdelgen.
