Pandemiia bastalǵannan beri 1 800-den astam feik aqparat áshkerelendi. Bul týraly «Astana Media Week – 2021» media aptalyǵy aiasyndaǵy «Mediany damytý strategiiasy» atty dóńgelek ústel barysynda QR Aqparat jáne qoǵamdyq damý vitse-ministri Kemelbek Oishybaev aitty, dep habarlaidy QazAqparat.
«Eń aldymen aqparattyq tehnologiialardyń qarqyndy damýy tek qana aýditoriianyń qalaýyn ǵana emes, sonymen birge salanyń negizin de ózgertip jatqanyn kórip otyrmyz. Tsifrlyq tehnologiialar damyǵannan keiin aqparat BAQ-tyń monopoliiasy bolýdan qaldy jáne aqparat birjaqty taratylmaidy. Iaǵni, internet pen áleýmettik jeliniń damýy sebepti BAQ-ta monopoliia joq. Endigi ýaqytta BAQ buqaralyq aqparat quralynan buqaralyq kommýnikatsiia qyzmetine ainalyp barady. Iaǵni, óziniń qyzmetin ózgertýde. Qazirgi ýaqytta BAQ qyzmeti burynǵydai eń aldymen aqparattandyrý emes. Qazirgi ýaqytta áleýmettik jeliniń kez kelgen qatysýshysy aqparat taratady», - dedi ol.
Onyń atap ótýinshe, qazirgi ýaqytta BAQ-tyń negizgi qyzmeti belgili bir aqparattyń mán-jaiyn naqtylaý, sarapshylardy tartý arqyly oryn alǵan jaitty túsindirý jáne qaje bolǵan jaǵdaida aqparatty teristeý bolyp otyr.
«Biz baiqap otyrǵan ekinshi ózgeris pandemiia halyqpen ózara is-qimyldyń strategiiasy men jańa ádisterin qaita qaraý qajettigin jedeldetti», - dedi vitse-ministr.
Kemelbek Oishybaev pandemiia kóptegen ósek-aiańnyń týyndaýyna, feikterdiń taralýyna túrtki boldy jáne bul kóptegen elder úshin kúrdeli problemaǵa ainaldy.
«Bizdiń mindetimiz qoǵam qorqynyshymen kúresý boldy. Ádisterdi ózgertýge de týra keldi. Burynyraq ta az bolmaǵan feikter ótkir mańyzǵa ie bolyp, olardyń taralýy arta tústi. Tipti Stopfake.kz arnaýly resýrsyn qurýymyzǵa da týra keld. Joba «mediaǵa arnalǵan media» qaǵidatymen jumys isteidi. Kún saiyn sait materialdaryn iri basylymdar kóshirip basady. Pandemiia bastalǵannan beri, koronavirýs, pandemiia, vaktsinatsiia jáne jalpy Qazaqstan týraly 1 800-den astam feik áshkerelendi», - dedi ol.
