Quqyq qorǵaý organdarynyń ókilderimen jáne zańsyz qarý-jaraq satqan saýdagerlermen bolǵan atys saldarynan Gilgit politsiiasynyń terrorizmge qarsy kúres departamentiniń bes qyzmetkeri mert bolyp, jeteýi jaraqat aldy. Bul týraly Geo.tv telearnasy habarlady.
Telearnanyń málimetinshe, dúisenbiden seisenbige qaraǵan túni Gilgit politsiiasy Gilgit-Baltistan provintsiiasynyń Diamir okrýginde zańsyz qarý-jaraq satqan saýdagerlerdi ustaý operatsiiasyn júrgizdi. Qylmyskerler quqyq qorǵaý organdary qyzmetkerlerine oq jaýdyryp, saldarynan bes politsei mert boldy, taǵy beseýi jaraqattandy. Sonymen qatar, atys barysynda eki beibit turǵyn zardap shekken. Qolda bar aqparatqa sáikes, qylmyskerler oqiǵa ornynan izin sýytqan.
«Kúdiktilerdiń zańsyz qarý-jaraq saýdasyna qatysy bar bolyp shyqty», - dedi provintsiianyń ýaqytsha bas ministri Afzal Han. Onyń tapsyrmasy boiynsha jaqyn arada oqiǵa týraly tolyq esep daiyndalýy kerek.
