Epidemiologiialyq jaǵdaidyń nasharlaýyna bailanysty Ózbekstanda karantin talaptary kúsheitiletin boldy, – dep jazady ÓzA.
Respýblikalyq arnaiy komissiianyń sheshimimen koronavirýstyń el aýmaǵynda taraýyna jol bermes úshin 1 shildeden bastap memleket aýmaǵynda karantindik talaptar kúsheitildi.
- Respýblikanyń barlyq aimaqtaryndaǵy iri bazarlar jáne taýarlar satýmen ainalysatyn iri saýda ortalyqtary aptanyń senbi-jeksenbi kúnderi sanitarlyq jáne dezinfektsiia jumystarynyń júrgizilýine orai jabylady;
- «qyzyl» jáne «sary» sanattaǵy aimaqtarda saǵat 07:00-den 23:00-ge deiin qoǵamdyq ortalarda úsh adamnan kóp kisi toptanýǵa, al 23:00-den 07:00-ge deiin kóshede, kópqabatty úilerdiń aldyna jinalýǵa tyiym salynady.
Karantin jaǵdaiynda:
- densaýlyǵynyń nasharlaýyna nemese júktilikke bailanysty meditsinalyq tekserýden ótý úshin meditsinalyq mekemege nemese qajetti dári-dármekti satyp alý úshin dárihanaǵa barýǵa ruqsat etiledi;
- «qyzyl» jáne «sary» kategoriialy aimaqtarda aptanyń senbi-jeksenbi kúnderi qoǵamdyq kólik qozǵalysyna birshama shekteý qoiylady. Respýblikalyq arnaiy komissiianyń sheshimimen «qyzyl» jáne «sary» kategoriialy aimaqtarda 30 adamnan aspaityn saltanatty keshter men túrli toi rásimderin sanitarlyq-gigienalyq talaptardy qatań saqtai otyryp úide ǵana ótkizýge ruqsat etilgen.
