Ózbekstan premer-ministri Shavkat Mirziiaev 1 qyrkúiekte tústen keiin shuǵyl túrde Samarqan qalasyna bardy, - dep habarlaidy "Ult aqparat" centralasian.org agenttigine silteme jasap.
"Ulyqbek observatoriiasynan bastap "Sieb" bazaryna deiingi barlyq jol jabylyp qaldy. Sol aýdanda turatyn adamdardy ǵana jiberip jatyr, basqa eshkimdi jibermeidi. Premer-ministr de osynda júr", - dedi resmi derekkóz.
Kýágerlerdiń aitýlarynsha, Shahi Zinda kesenesiniń mańynda kirpish tasyǵan avtokólikter kóp. Olar "Iýlbarslar Hiioboni" saiabaǵynyń mańynda da tolyp júr. Munda Gýri-Ámirdiń otbasy ziraty ornalasqan.
Habarlarǵa qaraǵanda, tún ýaqytyna qaramastan, myńdaǵan aýla sypyrýshy Registan alańynan bastap Bibihanoim mavzoleiine deiingi aralyqty sypyryp júr. Qala ákimshiligindegi derekkóz saiabaqtyń jaiaý turǵyndar úshin jabyq ekenin rastady.
Prezident Islam Karimovtyń miyna qan quiylyp aýrýhanaǵa túsýine bailanysty, respýblikada atqarýshy biliktiń basqarýshysy qyzmetin premer-ministr Shavkat Mirziiaev atqarady.
Ult portaly
