Ózbekstan koronavirýsqa bailanysty engizgen karantin merzimin taǵy 15 kúnge uzartty. Degenmen elde birqatar shekteý sharasy alynǵan.
Úkimettiń arnaiy komissiiasy 14 mamyrda karantin merzimi keminde 1 maýsymǵa deiin kúshinde qalatynyn málimdedi. Biraq keibir kásiporyndarǵa jumysyn jalǵastyrýǵa ruqsat etilmek.
Ortalyq Aziiadaǵy halqy eń kóp memlekette resmi málimet boiynsha, 2652 adamnan koronavirýs tabylǵan, 11 adam qaitys bolǵan.
Kórshi Qazaqstanda 11 mamyrda tótenshe jaǵdai aiaqtalǵanmen bilik karantin sharalary epidemiologiialyq ahýalǵa qarai birtindep alynatynyn aitqan. Elde barlyǵy 5850 adamnan koronavirýs tabylǵan, 34 adam qaitys bolǵan.
Tájikstanda virýs juqtyrǵandar 1118 adamǵa jetti, 33 adam qaitys bolǵan. Qyrǵyzstanda 1117 adamǵa virýs juqqan, 14 adam qaitys bolǵan.
Túrkimenstan - Ortalyq Aziia aimaǵynda resmi túrde koronavirýs tabylmaǵan jalǵyz memleket. Biraq táýelsiz BAQ pen ashyqtyqtyń joǵyn alǵa tartqan sarapshylar buǵan kúmánmen qaraidy. Elde dárigerlerdiń koronavirýs týraly aitýyna tyiym salynǵan, meditsinalyq maskalar taǵýǵa ruqsat etilmegen, ǵalamdyq indet jaily aitqan azamattar jazalanady.
