Mádeniet jáne sport ministri Aqtoty Raiymqulova Ábý Nasyr ál-Farabidiń 1150 jyldyǵy aiasynda ǵalymnyń esimin ulyqtaý jumysy qalai júrgizilip jatqanyn baian etti, dep habarlaidy QazAqparat.
«Ábý Nasyr ál-Farabidiń 1150 jyldyǵy aiasynda ministrlik tarapynan «Ustazdyń qaita oralýy» derekti filmi túsirildi. Elimizdiń barlyq mýzeileri men kitaphanalarynda taqyryptyq kórmeler uiymdastyryldy. Sonymen qatar, Otyrar qalashyǵynda soltústik qaqpalardy, qamal qabyrǵalaryn, turǵyn kvartaldaryn, magistraldy kóshelerdi, meshitterdi jáne qysh sheberhanalardy qalpyna keltirý bastaldy», - dedi Aqtoty Raiymqulova OKQ alańy arqyly onlain rejimde halyq aldynda esep berý kezdesýinde.
Ministr sonymen qatar úsh tilde ǵalymnyń 7 tomdyq eńbegi jaryq kórgenin jetkizdi.
«Almaty qalasynda halyqaralyq deńgeide «Álemniń ekinshi ustazy» Ábý Nasyr ál-Farabidiń 1150 jyldyq mereitoiyn atap ótilýi bastaldy. Qazaq ulttyq ýniversitetinde «Ál-Farabi atyndaǵy ortalyq» ashyldy. Aldaǵy ýaqytta «Otyrar» respýblikalyq mýzei qoryǵynyń jańa vizit ortalyǵynda ál-Farabidiń ekspozitsiialyq zalyn ashý josparlanýda», - dep túidi Aqtoty Raiymqulova.
