Qazaqstanda 25 qyrkúiektegi PTR test qorytyndysy 2192 adamda koronavirýs infektsiiasy bar ekenin kórsetken. Munan ózge 187 adamnyń koronavirýs belgileri bar pnevmoniiaǵa shaldyqqany anyqtalǵan. 11 adam qaitys bolyp, 143 adam emdelip shyqqan. Bul málimetti jeksenbi kúni Densaýlyq saqtaý ministrligi taratty.
Odan bir kún buryn, 24 qyrkúiekte Qazaqstanda 2324 adamnan koronavirýs tabylǵan edi.
Qazaqstan koronavirýs pnevmoniiasyna shaldyqqandardy bólek eseptep, ony Covid statistikasyna qospaidy. Halyqaralyq uiymdar birge esepteidi. Byltyr Qazaqstanda jazda ókpe qabynýy órship, qaitys bolǵandar kúrt kóbeigende DDSU "ólim qaýpi joǵary qazaqstandyq pnevmoniia" – durys anyqtalmaǵan Covid dep málimdegen.
Koronavirýsty eń kóp juqtyrǵandar Almaty (491 adam), Almaty oblysy (221 adam) jáne Nur-Sultan qalalarynda (184) larynda turady. Koronavirýs eń az taralǵan aimaq - Mańǵystaý oblysy (17 adam) men Túrkistan oblysy (47 adam)
24 qyrkúiekte táýlikte eń kóp naýqas Almatyda (510) tirkelgen. Almaty oblysynda - 262, Qaraǵandy oblysynda 261 adamnan koronavirýs anyqtalǵan.
Byltyr, 2020 jyldyń 13 naýryzynan beri Qazaqstanda barlyǵy 75273 adam koronavirýspen aýyryp, 4795 adam qaitys bolǵan.
Aqpan aiynan beri Qazaqstanda 6,3 mln adam koronavirýsqa qarsy vaktsinanyń tolyq dozasyn alǵan. 1,1 mln adam ekinshi dozasyn kútip otyr.
