Foto: TJM
Aýa-raiynyń nasharlaýyna, boranǵa, kóktaiǵaqqa, qatty jelge jáne nóldik kórinýge bailanysty ótken demalys kúnderi TJM qutqarýshylary qar qursaýynan 155 adamdy, onyń ishinde 4 balany qutqaryp, evakýatsiialady, sondai-aq 32 avtomashinany shyǵardy, dep habarlaidy Ult.kz.
Aýa-raiynyń nasharlaýy týraly daýyldy eskertýler men avtojoldardyń jabylýy týraly habarlamalar SMS-habarlamalar, TJM, aýmaqtyq bólimshelerdiń internet-resýrstary jáne áleýmettik jelileri arqyly halyqqa jetkizildi. Avariialyq-qutqarý jáne izdestirý-qutqarý jumystaryn júrgizýge qutqarýshylar men politsiia qyzmetkerleri qatysty.
TJD qyzmetkerleri ótimdiligi joǵary tehnikasynda avtojoldardyń kúrdeli ýchaskelerinde adamdardyń jáne kepteliste qalǵan avtokólikterdiń bolýyna patrýldeý júrgizýde. Qutqarýshylar halyqqa kómek kórsetip, avtojoldarda qaýipsizdikti qamtamasyz ete otyryp, táýlik boiy jumys isteýdi jalǵastyrýda.
Qazaqstan TJM azamattardy saqtyq sharalaryn saqtaýǵa, daýyldy eskertýlerdi qadaǵalaýǵa jáne qolaisyz aýa raiy jaǵdaiynda alys saparlarǵa shyqpaýǵa shaqyrady. Aýyl turǵyndaryna aýa-raiynyń nasharlaýy jaǵdaiynda uzaq serýendeýden bas tartý usynylady.
