Zeinetaqy qoryndaǵy jinaqtar esebinen depozitterdi toltyrý múmkindigi paida bolǵannan keiin 6 saǵat ishinde qazaqstandyqtar 30 mlrd teńge alýǵa ótinim bergen, dep habarlaidy "Ult aqparat" banktiń Instagram-daǵy paraqshasyna silteme jasap.
«enpf-otbasy.kz onlain-platformasynda - zeinetaqy jinaqtaryn Otbasy bankindegi depozitke aýdarý múmkindigi paida bolǵan alǵashqy 6 saǵatyń ishinde qazaqstandyqtar óz depozitterine 30 milliard teńge aýdarýǵa ótinim bergen.
Otbasy Bankiniń tájiribeli salymshylary memlekettik syilyqaqyny kútip, bolashaqta depozitterdi eń tiimdi ipotekalyq baǵdarlamalar boiynsha bastapqy jarna retinde paidalaný úshin óz depozitterin 2021 jylǵy 31 jeltoqsanǵa deiin tolyqtyrýǵa asyǵýda», - dep jazylǵan banktiń resmi paraqshasynda.
Bul operatsiiany júzege asyrýǵa múmkindik beretin perne búgin saǵat 10:00-de paida boldy.
Ol úshin enpf-otbasy.kz onlain-platformasyna ETsQ kómegimen kirip, «Maqsatty tańdaý» pernesin basyp, «Turǵyn úi satyp alý» bóliminde «Odan ári jinaqtaý úshin turǵyn úi qurylys jinaq salymyn tolyqtyrý» - degen maqsatty tańdaý qajet.
Bank bólimshesine barýdyń qajeti joq, barlyq ótinimder onlain túrde qabyldanady.
Esterińizge sala keteiik, birjolǵy zeinetaqy tólemderin alý boiynsha onlain-platformamen jumys isteý kezinde sizge nclayer sertifikattaryn ornatý qajet. Sertifikattardy Pki.gov.kz saitynda ornatýǵa bolady. Zeinetaqy jinaqtaryn alý boiynsha barlyq is-sharalar tek kompiýterden ǵana qoljetimdi bolatynyn este ustaǵan jón. Mobildi nusqa qoljetimdi bolmaidy.
Aita keteiik, 16 jeltoqsannan bastap enpf-otbasy.kz onlain-platformasynda - «Otbasy bankindegi salymdy tolyqtyrý» batyrmasy paida boldy.
Sonymen qatar Zeinetaqy jinaǵyn banktegi depozitke aýdarǵan soń úsh jyl ishinde turǵyn úi zaemyn resimdeý qajet.
2022 jyldyń 1 qańtarynan birjolǵy zeinetaqy tólemin alýdyń jetkiliktilik shegi 1,8 ese kóteriletini málim etilgen bolatyn. Keiin QR Prezidenti shekti mejeni 2022 jyldyń 1 sáýirine deiin kótermeýdi tapsyrdy.
