Foto: Áleýmettik jeliden
Aqtaýdaǵy ushaq apatynda qaza tapqan bortserik Hokýma Álieva osy reisten soń jumysyn aýystyrmaq bolǵan. Bul týraly Ult.kz Informbiýro baǵdarlamasyna silteme jasap habarlaidy.
Aqtaýdaǵy apattan aman shyqqan jolaýshylar ushaqty basqarǵan ekipaj músheleriniń jankeshtiliginiń arqasynda tiri qalǵanyn aitty. Ásirese, "Bári jaqsy bolady" dep adamdardy sabyrǵa shaqyryp, tótenshe jaǵdaidaǵy qaýipsizdik erejesin túsindirgen bortserigi Hokýma Álievanyń erligin erekshe atap ótti.
Jolaýshylardyń aitýynsha, qyzmetkerdiń bul áreketi ondaǵan azamattyń ómirin saqtap qalǵan. Biraq ókinishke qarai mindetin sońyna deiin atqarǵan bortseriktiń ózi apatta ajal qushty. Hokýma Álievanyń ata-anasynyń aitýynsha, qyzdary osy sapardy aiaqtaǵan soń, stiýardessa qyzmetinen zańger mamandyǵyna aýysýy kerek bolǵan.
“Qyzym 33 jasta edi. Onyń AZAL kompaniiasynda jumys istegenine biyl 9 jyl bolǵan. Óte aýyr jaǵdai. Aman qalǵandardyń tezirek saýyǵyp ketýin tileimin”, – deidi Hokýma Álievanyń ákesi Djalil Áliev.
Aita keteiik, buǵan deiin Aqtaýdaǵy ushaq apatynda aman qalǵan bortserikter Zýlfýgar Asadov pen Aidan Rahimli oqiǵanyń qalai bolǵanyn aityp bergen edi.
Eske salsaq, buǵan deiin Eske salsaq, 25 jeltoqsanda Ázirbaijan áýe joldary kompaniiasyna tiesili Embraer E190AR ushaǵy Aqtaý qalasyndaǵy áýejai mańynda apatqa ushyraǵan edi. Bortta 67 adam, 62 jolaýshy men 5 epipaj múshesi bolǵan.
