Nur-Sultan jáne Almaty qalalarynan Óskemenge qatynaityn poiyzdardyń jiiligi artady. Bul týraly «QTJ» UK» AQ baspasóz qyzmeti habarlady.
QR Vedomstvoaralyq komissiiasynyń 2021 jylǵy 16 maýsymdaǵy sheshimine jáne QR Indýstriia jáne infraqurylymdyq damý ministrliginiń 2021 jylǵy 18 maýsymdaǵy hatyna sáikes kelesi jolaýshylar poiyzdarynyń júrý jiiligi artady:
23 maýsymnan bastap №68/67 «Nur-Sultan Nurly jol – Óskemen-1» poiyzy aptasyna 1 ret qatynaýdyń ornyna kún saiyn júretin bolady.
№351/352 «Almaty-2 – Óskemen-1» kúnara qatynaýdyń ornyna kún saiyn qatynaityn bolady.
Jolaýshylar poiyzdarynyń qozǵalys kestesi boiynsha barlyq ózekti aqparatty «105» nómiri boiynsha, Bilet.railways.kz saitynan jáne «Qazaqstan temir joly» UK» AQ akkaýnttarynan alýǵa bolady.
