Óskemen qalasynda úiin órtep, ózi asylyp qalmaq bolǵan er adam qutqaryldy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, qutqarýshylarǵa Bashikov kóshesindegi jer úidiń órtenip jatqandyǵy týraly habar túsken.
«Órt sóndirýshiler oqiǵa ornyna kelip jetkenkende qabyrǵanyń aǵash konstrýktsiialary men jeke zattar janyp jatqan. Órt sóndirýshiler birden iske kiristi. Jylan sharpyǵan aýmaq 1,5 sharshy metrdi qurady. Barlaý barysynda №7 órt sóndirý bóliminiń qaraýyl bastyǵy Jiger Sliamov aýlada asylyp qalmaq bolǵan 1985 jylǵy úi iesin kórip qaldy. Ol áriptesteri Oljas Qapanov jáne Aibek Aqzammen birge er adamdy qutqaryp, alǵashqy meditsinalyq kómek kórsetti», - delingen habarlamada.
Belgili bolǵandai, er adam óz úiin de órtep jibergen. Qazirgi ýaqytta onymen mamandar jumys júrgizýde.
