Óskemen qalasynda tútin tumshalaǵan dámhanadan 110 adam evakýatsiialandy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, búgin Áýezov dańǵylynda ornalasqan qoǵamdyq tamaqtaný oryndarynyń biri órtengen.
«Belgili bolǵandai, tilsiz jaý dámhanadaǵy peshten shyqqan. Osynyń saldarynan 2-6 qabat aralyǵyn tútin tumshalady. Oqiǵa ornyna shuǵyl kelip jetken qutqarýshylar 110 adamdy evakýatsiialady. Onyń ishinde 70 adam dámhanaǵa kelýshi bolsa, 40-y sol jerde jumys isteitinder», - delingen habarlamada.
Vedomstvo ókilderiniń dereginshe, qyzyl jalyn sharpyǵan jalpy aýmaq 6 sharshy metrdi qurady. Qazirgi ýaqytta órt tolyqtai sóndirilgen. Zardap shekken eshkim joq.
