Óskemen qalasynda soqtyǵysqan eki kólik tramvai qozǵalysyn toqtatty, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, jol-kólik oqiǵasy 23 maýsymda saǵat 10:30 shamasynda Shákárim dańǵyly men Chapaev kóshesiniń qiylysynda bolǵan.
«SUBARU avtokóliginiń 72 jastaǵy júrgizýshisi janama joldan basty jolǵa shyqqan kezde Shákárim dańǵyly boiymen kele jatqan LEXUS avtokóligine jol bermegen. Jol apatynyń saldarynan dene jaraqatyn alǵan SUBARU júrgizýshisi aýrýhanaǵa jetkizildi. Atalǵan fakti boiynsha sot-meditsinalyq saraptama taǵaiyndaldy. Sonyń nátijelerine sáikes protsessýaldyq sheshim qabyldanady», - delingen habarlamada.
Sondai-aq jol-kólik oqiǵasynyń saldarynan tramvai qozǵalysy toqtaǵan.
