Óskemen qalasynda Saiasi qýǵyn-súrgin qurbandaryn eske alý kúnine orai aqyn, filosof Shákárim Qudaiberdiulynyń biýsti ashyldy, dep habarlaidy "Ult aqparat".
Bul Óskemenge qoiylǵan Shákárimniń alǵashqy keýdemúsini. Biýst shahardaǵy Shákárim Qudaiberdiuly atyndaǵy №1 mektep aldyna ornatyldy.
31 mamyr – Saiasi qýǵyn-súrgin qurbandaryn eske alý kúninde qazaqtyń birtýar perzenti, ómiri men shyǵarmashylyǵyna Alty Alashty arqaý etken, ultyn sheksiz súiip ótken Shákárim babamyzdyń eskertkishin ashtyq. Uly dalanyń daryn iesi urpaq esinen eshqashan sónbek emes. Osy tusta Shákárimdai qazaqtyń dara ulyna eskertkish ornatýǵa óz úlesin qosyp, barynsha qoldaý kórsetip, barlyq jumysty jumyla atqarǵan azamattarǵa alǵysymdy bildiremin! Ulttyń uiysýy árqaisymyzǵa, árbirimizdiń nietimiz ben talap-tilegimizge tikelei bailanysty ekenin umytpaiyq!, - dedi mektep direktory Ádil Sailaýbek.
Aita keteiik, biýsttiń ashylý saltanatynda sanitarlyq epidemiialogiialyq talaptar qatań saqtalǵan.
Eske sala ketsek, byltyr Shyǵys Qazaqstan oblysynda Abaidyń Jidebaidaǵy mýzei-úiiniń kireberisine Abai men Shákárim beinelengen stella ornatyldy.
