Óskemen qalasynda iz-tússiz joǵalyp ketken 31 jastaǵy áieldiń denesi tabyldy, dep habarlaidy "Ult aqparat".
ShQO Politsiia basqarmasy baspasóz qyzmetiniń málimetinshe, shahar turǵyny ótken jyldyń qazan aiynda joǵalyp ketken.
Politsiiaǵa habarlasqan er adam jubaiynyń iz-túzsiz ketkenin jetkizgen bolatyn. Onyń aitýynsha, áieli Jańa Sogra aýdanyndaǵy dúkenge qarai bet alyp, sol kúii qaityp oralmaǵan. Tártip saqshylary birden jedel-izdestirý sharalaryna kiristi. Alaida ony tabý múmkin bolmady.
«Arada jarty jyldan astam ýaqyt ótken soń áiel adamnyń denesi tabyldy. Máiitte zorlyq-zombylyq belgileri joq. Ólimniń naqty sebebin anyqtaý úshin sotqa deiingi tergeý amaldary aiasynda tiisti saraptamalar taǵaiyndaldy», - dep habarlady vedomstvo ókilderi.
