Óskemende aǵash japyraqtary kúrt sarǵaiyp ketti. Osyǵan orai tekserý júrgizilip jatyr. Bul jaiynda QR Ekologiia, geologiia jáne tabiǵi resýrstar ministrliginiń baspasóz hatshysy Samal Ibraeva málim etti, dep habarlaidy "Ult aqparat".
«Óskemen ýchaskeleriniń birinde aǵash japyraqtarynyń kúrt sarǵaiyp ketkendigi týraly habarlamaǵa bailanysty mundai qubylystyń sebebin tekserý jáne zertteý júrgizilip jatyr. Atap aitqanda, «Qazmyrysh» JShS-na tekserý júrgiziledi. Erteń ekologtarymyz kombinatta tehnikalyq reglamentterdi esepke alý jýrnaldarynyń bárin tekserip, injenerler men tehnologtardan jaýap alady. Aita keterligi, «Qazgidromet» RMK monitoring stansasy 27 mamyr men 2 maýsym aralyǵynda ónerkásiptik shyǵaryndylardyń qandai da bir normadan asqandyǵyn tirkegen joq. Qalai desek te, tekserý solai ekendigin kórsetýi tiis. Sondyqtan ázirshe qorytyndy shyǵarýǵa erte», - dep jazdy Samal Ibraeva Facebook paraqshasynda.
Onyń atap ótýinshe, Tótenshe jaǵdailar basqarmasynda da, Ónerkásiptik qaýipsizdik departamentinde de jappai shyǵaryndylardyń oryn alǵandyǵy týraly málimet joq. Osyǵan orai ministrlik ókili qandai da bir aqparat biletin qala turǵyndarynan Shyǵys Qazaqstan oblystyq ekologiia departamentine júginýdi ótinedi.
«Qupiia qalatynyna kepil beremiz. Memlekettik organdarǵa ǵana úmit artpai, kásiporyn qyzmetkerleriniń de shynaiy aqparat usynýǵa járdem kórsetýi mańyzdy. Sondyqtan da qalanyń ónerkásiptik kásipornynyń tehnikalyq qyzmetkerlerinen shyǵaryndylar týraly shynaiy aqparat usynýǵa shaqyramyz», - dedi ol.
